Gjennom tverrfagleg samhandling får tenestene betre og gjensidig forståing for kvarandre sine oppgåver. Tenestene blir også betre på å koordinera innsats og ansvar, slik at oppfølginga blir meir heilskapleg og samanhengande.
Tverrfagleg team er ei tverrfagleg gruppe av fagfolk og skal tene som arena i høve førebyggande tiltak til barn og unge på eit overordna nivå. Samhandlingsteamet består av kommunalsjef for helse og omsorg, styrar i barnehage, rektor på skulen, prosjektleiar BTI, helsesjukepleiar, ungdomsarbeidar, rådgjevar NAV, PPT (Voss), kommunepsykolog, Hardanger barnevern, politikontakt Voss, BUP Voss. Møtene skal styrkja samhandling mellom tenestene som arbeidar med barn og unge. Teamet har møter 4 gonger i året. Tverrfaglig team skal drøfte ulike temaer. Tema kan vere strukturelle/systematiske, dagsaktuelle, universelle mm. Enkeltsaker skal tas opp i ressursteam på skule og i barnehage.
Barnehageteam er eit tverrfagleg fora i barnehagen og har som målgruppa barn i alderen 0 til 5 år. Teamet drøftar problemstillingar som oppstår i barnehagen, i grupper og enkeltsaker. Alle profesjonane i teamet har ein rådgjevande funksjon. Teamet tilbyr tverrfagleg rettleiing og fordelar ansvar og oppgåver.
Barnehagen eller føresette kan melde saker inn til teamet. I enkeltsaker skal det innhentast samtykke frå føresette. Føresette vel om dei vil delta eller ikkje. Saker kan også drøftast anonymt.
Målet med barnehageteam
Gjennom forpliktande tverrfagleg samarbeid skal ein kome fram til bistand og tiltak for å:
- Fange opp og vurdere behov for innsats så tidleg som mogeleg
- Sørge for at barn, føresette og barnehagemiljø får nødvendig hjelp og oppfølging
- Finne riktige og heilskaplege samansette tiltak
Ansvar
Teamet driftast og leiast av barnehagestyrar. Teamet skal fordele oppfølgingsansvar i møtet.
Profesjonssamansetning
- Barnehage v/ barnehagestyrar
- Barnehage v/ aktuell pedagogisk leiar
- Helsestasjon v/ helsesjukepleiar
- Fysioterapeut for barn og unge
- PPT
- Barnevernstenesta
Ved behov/ aktuelle saker kan ergoterapeut, lege, logoped, anna pedagogisk personale eller flyktningetenesta kallast inn.
Møteplan
Det skal væra regelmessige møter, 6 per år.
Du kan lesa meir om rolla og ansvarsområde barnehagen har for dei vanlegaste psykiske helseplagene hos barn og unge her.
Skulehelseteam er eit tverrfagleg fora i barne- og ungdomsskulen og har som målgruppa barn i alderen 6 til 16 år. Teamet drøftar problemstillingar som oppstår på skulen, i grupper og enkeltsaker. Alle profesjonane i teamet har ein rådgivande funksjon .Teamet tilbyr tverrfagleg rettleiing og fordeler ansvar og oppgåver.
Skulen eller føresette kan melde saker inn til teamet. I enkeltsaker skal det innhentast samtykke frå føresette. Føresette vel om dei vil delta eller ikkje. Saker kan også drøftast anonymt.
Målet med skulehelse team
Gjennom forpliktande tverrfagleg samarbeid skal ein kome fram til bistand og tiltak for å:
- Fange opp og vurdere behov for innsats så tidleg som mogleg
- Sørge for at barn, foreldre og barnehagemiljø får nødvendig hjelp og oppfølging
- Finne riktige og heilskaplege sammensatte tiltak
Ansvar
Teamet driftast og leiast av rektor. Teamet skal fordele oppfølgingsansvar i møtet.
Profesjonssamansetning
- Skule v/ rektor
- Skule v/ ressursteam leiar
- Skule v/ miljøterapeut
- Skulehelsetenesta v/ helsesjukepleiar
- Fysioterapeut for barn og unge
- PPT
- Barnevernstenesta
Ved behov/ aktuelle saker kan ergoterapeut, lege, logoped, anna pedagogisk personale eller flyktningetenesta kallast inn. Dersom det er tenleg og ynskje kan elevar også væra med.
Møteplan
Det skal væra regelmessige møter, 6 per år.
Du kan lesa om rolla og ansvarsområda som skulen har for dei vanlegaste psykiske helseplagene hos barn og unge her.
Leiar for ressursteamet på Brakanes skule er spesialpedagog og tilsett ved skulen. Rektor er med i teamet og saman med PPT har dei møter om lag ein gong per månad. Her vert det drøfta elevar og klassar som har utfordringar på ulike måtar, fagleg og/eller sosialt. Det vert laga planar for korleis ein skal gje hjelp, både på elevnivå og på systemnivå. Ein gong i året har skulen gjennomgang av alle elevane saman med kontaktlærar.
Konsultasjonsteamet er ei teneste som er retta mot deg som er uroa for om eit barn kan vere utsett for seksuelle overgrep, fysisk eller psykisk vald, er vitne til vald i heimen eller uro for om ein med psykisk utviklingshemming kan ha vore utsett for det same. Teamet er eit rettleiande organ som er samansett av erfarne fagfolk frå ulike etatar i Voss Herad og Ulvik Herad. Gjennom kontakt med teamet kan du som uroar deg, eller går med ei ubehageleg kjensle på vegne av eit barn, få diskutert saka anonymt. Teamet er sett saman av fagfolk frå politi, barnevern, helsestasjon/skulehelsetenesta, BUP, tannhelsetenesta, og PPT.
Les meir om konsultasjonsteamet her.
RVTS Vest si nettside med oversikt over alle konsultasjonsteam i landet finn du her.